Одморот не е привилегија – тоа е твое законски загарантирано право.

Без разлика дали си нововработен или долгогодишен професионалец,

 

важно е да ги познаваш своите права за да можеш да го искористиш одморот онака како што ти припаѓа – целосно, навреме и без притисок.
________________________________________________________________________________________

 

 

Колку денови годишен одмор ти следуваат?

Според македонското трудово законодавство:
• Минимум 20 работни дена годишно ти следуваат како основно право.
• Преку индивидуален договор или колективен акт, оваа бројка може да се зголеми на до 26 работни дена.
• Ако имаш помалку од 6 месеци работен стаж, имаш право на пропорционален одмор – по 2 дена за секој месец.

Како и кога се користи годишниот одмор?

• Одморот се користи во договор со работодавачот, но најмалку 12 последователни дена мора да бидат искористени како поврзан континуиран одмор.
• Одморот мора да се искористи до 30 јуни наредната година, во спротивно може да се изгуби правото на негово користење.
• Доколку ти е неосновано одбиено користењето на одморот, иако си поднел навременo барање – имаш право на исплата во паричен износ.

Што се случува при прекин на работниот однос?

Во случај на отказ или прекин на работниот однос, работодавачот е должен да исплати надомест за сите неискористени денови од одморот.

Специфични ситуации и дополнителни денови:

• При важни животни настани (вклучително брак, раѓање дете, смрт на близок) ти следуваат дополнителни платени денови.
• Доколку работиш во опасни или специфични услови, имаш право на зголемен број денови одмор.
• За вработени под 18 години, законски следуваат дополнителни 7 дена одмор.

Регрес за годишен одмор (К-15)

Ако работиш во приватниот сектор и имаш најмалку 6 месеци непрекинат работен однос, имаш право на исплата на регрес за годишен одмор (К-15). Минимумот е утврден со закон и изнесува 40% од просечната нето плата во државата.

 

Не дозволувај некој да ти наметне став дека нема време за одмор.
Одморот не е луксуз, туку основна потреба за ментално здравје, продуктивност и животен баланс.
Познавањето и користењето на ова право не е само во твоja корист – туку и во корист на компанијата, тимот и целата работна атмосфера.

 

Одморен вработен = продуктивен вработен
______________________________________________________________________________________________________________________________

Сподели го текстот и информирај ги колегите – одморот треба да се користи и почитува!