Проектен Асистент/ка

Детали за позицијата

Оглас за ангажирање проектен асистент/ка

Првата детска амбасада во светот МЕЃАШИ објавува оглас за ангажирање проектен асистент/ка со цело работно време (40 часа неделно).

Вид на вработување:

• Работниот однос започнува со договор на определено време од 3 месеци, со полно работно време (40 часа неделно – 100%), како иницијална фаза на ангажман, со изразена намера и реална можност за долгорочно вработување и понатамошен професионален развој во рамки на организацијата.
• Работниот ангажман ќе се спроведува почнувајќи од 1 април 2026 година и предвидува договор за работен однос со покриени придонеси за здравствено и пензиско осигурување како и почетна основна нето плата во износ од 44.000 денари.

Рок за аплицирање 15.03.2026

Целосен оглас:

Оглас за ангажирање проектен асистент/ка

Првата детска амбасада во светот МЕЃАШИ објавува оглас за ангажирање проектен асистент/ка со цело работно време (40 часа неделно).

Првата детска амбасада во светот Меѓаши е граѓанска организација која 34 години работи на полето на заштита на децата и нивните права. Веруваме дека со посветено и одговорно работење на предизвиците со кои се соочуваат децата можеме да направиме промени.

Тимот на Меѓаши е инспириран од личните и организациски вредности како: емпатија, солидарност, ненасилство, личен интегритет, доверба, искреност, чесност, ентузијазам, отвореност и соработка, професионалност, правда, иновативност, почитување и достоинство, поддршка. Нашите вредности ставени во функција на организациската мисија и визијата не движат кон креирање на општествените промени кои се во најдобар интерес на децата.

Мисија на ПДАС Меѓаши

Првата детска амбасада во светот Меѓаши ги застапува и заштитува правата на децата, поттикнува одговорно родителство и почит на детската личност, го зајакнува граѓанското движење за правата на децата, детското учество и се залага за функционалност на институциите во најдобар интерес на детето. Меѓаши го промовира мировното образование развивајќи активно граѓанство засновано на принципот на ненасилство, ги негува различностите и еднаквите можности за сите.

Визија на ПДАС Меѓаши:

Поправеден свет за секое дете

Доколку се препознавте во повеќето од нашите вредности и доколку ја разбирате нашата мисија и визија и би сакале да станете дел од нашиот мал но посветен тим, ја очекуваме Вашата апликација.

Потребни вештини и знаења

• Солидно познавање на проектен менаџмент и сите аспекти при планирањето и имплементирањето проектен циклус;
• Најмалку 2 години работно искуство во планирање, раководење и администрирање на Професионална етика, одговорно, навремено и уредно завршување на задачите, посветеност кон мисијата на организацијата, организациските цели, целите на проектите и програмите;
• Одлични аналитички способности, работа со рокови, способност за навремено и редовно планирање, подготвеност за соработка и способност за поттикнување и мотивирање;
• Иницијативност, организаторски способности и способност за работа под притисок;
• Одлични комуникациски вештини и способност за тимска работа;
• Возачка дозвола Б категорија.

Главни задачи и обврски:

• Планирање и спроведување проектни активности во координација со проектниот менаџер, комуникацискиот асистент/ка и оперативниот тим на организацијата
• Административна и логистичка координација на проектни задачи. Одговорно административно работење, документирање, евидентирање и архивирање на важната поштенска и електронска коресподенција
• Oрганизација и учество на обуки и состаноци кои произлегуваат од проектот;
• Медиумски настапи и јавно застапување
• Подготовка на повици, договори и други документи поврзани со проектните активности;
• Координација на настаните што се организираат во соработка со други организации и обезбедување логистичка поддршка за настаните што се организираат во и надвор од Скопје
• Подготовка на извештаи за организираните активности и својата работа
• Одржување квалитетна редовна комуникација со партнерските организации и соработниците.
• Придонес во креирање информативни содржини за активностите (веб-сајт, социјални мрежи) и директни учества на медиуми
• Придржување кон основните документи на организацијата (повелбата, кодексот, правилниците и другите акти, визијата и мисијата на организацијата) како и работните планови на активности (годишни, месечни, неделни и дневни) и евалуација на истите.
• Тимска работа и соработка, навремено обезбедување административна и техничка поддршка на организацијата кога е потребно
• Извршување и други работи од негова/нејзина надлежност во согласност со законот, општите акти на организацијата, овластувањата и договорите со тимот.

Вид на вработување:

• Работниот однос започнува со договор на определено време од 3 месеци, со полно работно време (40 часа неделно – 100%), како иницијална фаза на ангажман, со изразена намера и реална можност за долгорочно вработување и понатамошен професионален развој во рамки на организацијата.
• Работниот ангажман ќе се спроведува почнувајќи од 1 април 2026 година и предвидува договор за работен однос со покриени придонеси за здравствено и пензиско осигурување како и почетна основна нето плата во износ од 44.000 денари.

Аплицирање:

• Работна биографија
• Писмо за мотивација
• Копија од диплома за завршен VII/1 степен на образование
• Копија од возачка дозвола
• Потврда за познавање англиски јазик (ќе се смета за предност)
• Препораки или потврда од претходните работни места (ќе се смета за предност).

Целокупната документација може да се испрати на следнава електронска адреса megjashi@childrensembassy.org.mk со назнака: „Пријава по оглас за избор на асистент координатор/ка” или испратена по пошта на ул.: ,,Коста Новаковиќ” 22а, 1000 Скопје, во затворено плико, со назнака: „Пријава по оглас за избор на асистент координатор/ка” најдоцна до 15.3.2026.

На останатите кои ќе аплицираат Детската амбасада Меѓаши не презема одговорност да им одговори.

Повеќе информации за работата на Првата детска амбасада во светот Меѓаши кандидатите/ките можат да најдат на веб страната: www.childrensembassy.org.mk

Целосниот оглас е достапен и на веб страницата од Детската амбасада МЕЃАШИ

https://childrensembassy.org.mk